Тен Хаг: Ги имаме Роналдо, Рашфорд и Марсијал, не ни требаат нови напаѓачи
Ерик тен Хаг вели дека Манчестер јунајтед сака Кристијано Роналдо да остане и дека е среќен со напаѓачите кои ги има моментно во клубот.
Роналдо од клупата настапи во победата на Манчестер јунајтед над Саутемптон во саботата и по мечот Тен Хаг повтори дека сака да го задржи 37-годишниот Португалец.
– Планираме со него. Затоа сакаме тој да остане. Значи тоа е она што го сакаме – вели Тен Хаг.
Холандскиот менаџер исто така посочи дека Јунајтед нема потреба да ангажира друг напаѓач пред крајот на преодниот рок, и покрај неизвесноста околу Роналдо и Маркус Рашфорд во таа офанзивна улога против Саутемптон.
– Мислам дека Рашфорд беше доста ефикасен, тој ги креираше ситуациите. Одигра важна улога во нашите напади во првите 15 минути по полувремето. Тоа е она што го очекував кога има голем притисок на топката, дека има напаѓач над кој можеме да играме и тој се снајде навистина добро. Ги имаме Кристијано, Ентони Марсијал и Маркус Рашфорд, не ни требаат нови напаѓачи – се зборовите на Тен Хаг.