После високиот пораз од дури 1:6 на домашен терен во Премиер лигата од Тотенхем, менаџерот Оле Гунар Солскјер веднаш реагираше со итен потег на фудбалскиот трансфер пазар.

На последниот ден од преодниот рок Манчестер јунајтед го промовираше новиот играч кој доаѓа од редовите на Порто, Алекс Телеш (27) кој потпиша договор на четири години со опција соработката да биде продолжена на уште една година.

Овој лев бек од 2016 година за неговиот досегашен клуб запиша 26 голови и повеќе од 50 асистенции, двапати беше шампион на Португалија.

Успеси на клупски план имаше и со Галатасарај, еднаш го освои најсилниот турски шампионат и се закити со два трофеи во националниот Куп.

Беше дел уште од екипите на Јувентуде, Гремио и милански Интер, а има и еден настап за најдобрата бразилска репрезентација.

Signed.
Sealed.
Delivered.

Welcome to #MUFC, Alex Telles! ? pic.twitter.com/AJl7xsSDSq

— Manchester United (@ManUtd) October 5, 2020