Тејтум го реши дербито меѓу Селтикс и Лејкерс
Бостон Селтикс по продолженија славеше со 118-122, на гостувањето кај Лос Анџелес Лејкерс, во дербито на НБА лигата.
Ентони Дејвис е трагичар за Лејкерс, откако центарот во регуларниот дел промаши две слободни, по кои Џејсон Тејтум поентираше и го одведе мечот во продолженија. Токму Тејтум со 44 поени беше прво име кај победникот, додека кај поразените Ентони Дејвис заврши со 37.
Милвоки Бакс беше сигурен на домашен терен против шампионот Голден Стејт Вориорс со 128-111. Јанис Адетокумбо со 30 поени беше најефикасен кај победникот, додека кај поразените Стеф Кари постигна 20.
Во останатите мечеви од синоќешната понуда: Филаделфија – Сакраменто 123-103, Хјустон – Феникс 111-97 и Јута – Њу Орлеанс 121-100.