Отуѓениот татко на Меган Маркл, сопруга на британскиот принц Хари, повторно ја пронашол љубовта.

Томас Маркл (81) е во врска со медицинската сестра Рио Канедо (46), која ја запознал додека се опоравувал од сериозен хируршки зафат што му го спасил животот.

Маркл минатата година се преселил на Филипините, а во декември завршил на операција поради згрутчување на крвта во стапалото. Состојбата била толку сериозна што лекарите биле принудени да му ја ампутираат ногата. Тој поминал четири дена на интензивна нега, по што следувал долг период на опоравување во болница и рехабилитациски центар.

Токму за време на закрепнувањето ја запознал Канедо, која е 35 години помлада од него.

Пензионираниот стручњак за филмско и телевизиско осветлување веќе со години се соочува со сериозни здравствени проблеми. Во 2022 година доживеал тежок мозочен удар, по што следувала долга рехабилитација, а претходно имал и два срцеви удара.

Сепак, сега тврди дека повторно ја пронашол среќата, игнорирајќи ги негативните коментари на социјалните мрежи со пораката дека „оние што мразат, ќе продолжат да мразат“.

Во изјава за медиумите, Маркл рекол дека Рио му донела „мир и среќа“ по години во кои се чувствувал „тажно и запоставено“.

Неговиот однос со ќерката Меган одамна е нарушен, а со текот на времето јазот дополнително се продлабочил. Тој никогаш не се сретнал ниту со принцот Хари, ниту со своите внуци.

Според медиумските извештаи, Меган не стапила во контакт со него ниту по ампутацијата, иако неговиот син побарал од неа да се јави, наведувајќи дека нивниот татко бил во тешка состојба и под силна терапија. Подоцна, наводно, му испратила писмо.

Маркл неколку години живеел во Мексико, потоа се вратил во САД, а по операцијата решил трајно да се пресели на Филипините. Таму живее во стан во градот Себу, каде трошоците за живот се значително пониски.

Иако некогаш имале блиска врска, која Меган ја опишувала како полна со поддршка и инспирација, нивниот однос се нарушил во пресрет на нејзината венчавка. Причината бил скандалот со инсценирани папарацо фотографии, што Маркл подоцна го признал како грешка.

Оттогаш, јавниот конфликт меѓу таткото и ќерката не стивнува, а нивниот однос останува далечен и комплициран.

Принцот Вилијам му постави ултиматум на принцот Хари: Разведи се од Меган и ќе ти дозволам да се вратиш во семејството