Само неколку часа откако Татабања објави ги договори трансферите на Матео Мараш и Немања Обрадовиќ од Еурофарм Пелистер, унгарскиот тим вечерва објави дека ангажира уште двајца ракометари од од битолскиот тим.

Татабања објави дека ги Мартон Секељи и Јосип Периќ се враќаат во унгарскиот тим следната сезона.

– Татабања отсекогаш била во моето срце и во тој клуб доживеав многу убави спомени. Со гордост можа да кажам дека како жител на Татабања, повторно ќе ја чувам мрежата на овој клуб и заедно ќе се бориме за да ги оствариме целите – изјави Секељи за официјалната интернет страница на Татабања.

Последниот ракометар кој денеска договори трансфер во Татабања е Јосип Периќ, кој се враќа во клубот за кој играше пред седум години.

– Тоа беше многу одамна и работите не испаднаа како што треба. Сега се враќам и верувам дека овој пат ќе биде многу подобро и тоа сакам да го покажам на теренето. Татабања и сезонава има силен тим, но за следната мислам дека можеме да бидеме уште подобри – изјави Периќ.