Тата Мартино се прости од Мексиканците

Полска не ја искористи најубавата шанса да го победи Мексико/фото: EPA-EFE/Rungroj Yongrit

Аргентинскиот фудбалски стручњак Херардо „Тата“ Мартино после неуспехот во Катар, каде не успеа со Мексико да се пласира во осминафиналето, објави дека поднесува оставка на селекторската функција кај „сомбреросите“.

Мексико ја победи Саудиска Арабија со 2-1, но му требаше трет гол, а двапати поради офсајди им беа поништувани голови, па Полска поради подобра гол-разлика влезе во осминафиналето и ќе игра со Франција после поразот од Аргентина со 0-2.

„Мојот договор завршува наскоро, но судијата веќе свирна крај“, рече Мартино после поразот.

Мартино беше селектор на Мексико од 2019 година, а претходно селектор и на Парагвај и на Аргентина, а беше тренер и на Барселона.

Видео на денот