Легендарниот боксер Мајк Тајсон призна дека пушеше марихуана пред да се врати во рингот и борбата против Рој Џонс јуниор. „Железниот Мајк“ му се врати на боксот во саботата, скоро 15 години по неговата последна професионална борба против Кевин Мекбрајд во јуни 2005 година.

Иако има 54 години и по напорните тренинзи што ги помина со Рафаел Кордеира, Тајсон импресионираше со својата подготовка и начинот како боксува, потсетувајќи на славните денови.

Бидејќи стануваше збор за ревијален меч, легендарниот Тајсон призна дека „се опуштил“ малку пред натпреварот.

ВИДЕО: Импресивен „Железниот Мајк“, боксерските легенди приредија спектакл!

– Секако дека пушев марихуана пред борбата. Ја пушам секој ден, никогаш не престанав да пушам – рече Тајсон, кој во моментов одгледува и продава марихуана во Калифорнија (државата каде што е легална нејзината потрошувачка) под името „Тајсон Ранч“.

Тој објасни зошто го прави тоа, истакнувајќи дека тоа не влијаело на неговите перформанси за време на борбата.

"I smoke every day, I never stop smoking. It's just who I am."

Mike Tyson admitted that he smoked a joint before his bout with Roy Jones Jr.https://t.co/kl9KdR3bu0

— Sporting News (@sportingnews) November 30, 2020

– Јас сум таков каков што сум. Нема никакво негативно влијание врз мене. Тоа е она што го работам и со што живеам и така ќе умрам. Нема објаснување. Нема почеток, нема крај. Марихуаната ме опива, но не ја убива болката – додаде Тајсон.

Да потсетиме, борбата помеѓу двете поранешни боксерски sвезди Мајк Тајсон (54) и Рој Џонс јуниор (51) одржана во „Стејплс центарот“ во Лос Анџелес заврши без победник.