Шефот на Светската здравствена организација во петокот претстави заеднички шестмесечен план за борба против еболата, вреден 518 милиони долари, повикувајќи на финансиска поддршка и политичка посветеност за да се спречи ширењето на епидемијата, која веќе е четврта најголема досега, објави Ројтерс.

„Тоа е временски ограничен план што го опфаќа периодот од јуни до ноември оваа година, а цената на планот изнесува 518 милиони долари“, изјави генералниот директор на СЗО, Тедрос Аданом Гебрејесус, претставувајќи ја стратегијата заедно со Африканските центри за контрола и превенција на болести.

Епидемијата се шири брзо и сè уште се обидуваме да го надоместиме заостанувањето, рече тој.

Гебрејесус додаде дека запирањето на еболата бара политичка посветеност, стабилно финансирање и доверба во работата со заедниците.

Од Африканскиот центар за контрола и превенција на болести, на истиот брифинг, соопштија дека епидемијата со недели останала неоткриена, поради што здравствените власти задоцниле со реакцијата и сега се борат да ја стават под контрола.

Досега во Конго се потврдени 381 случај и 62 смртни случаи, според податоците на Африканскиот центар за контрола и превенција на болести.

Еболата се шири во Конго, досега околу 250 смртни случаи – СЗО соопшти дека пет од заразените се опоравиле