Европската Унија е главната „цел“ за пласман на фалсификувана стока, а Кина е главен извор на фалсификувани производи, иако значаен придонес е забележан и од други региони, според новиот извештај на ОЕЦД, според кој глобалната трговија со фалсификувана стока се проценува на околу 467 милијарди долари. Делот поврзан со ЕУ се проценува на 117 милијарди долари- пишува Нова.рс.Растечката меѓусебна поврзаност на глобалните економии создаде нови можности за трговија и иновации, но исто така ја отежнува заштитата на интелектуалната сопственост и спроведувањето на трговските прописи, според новиот извештај на ОЕЦД „Мапирање на глобалната трговија со фалсификувани производи 2025“.

„Експанзијата на синџирите на снабдување и порастот на електронската трговија ја олеснија нелегалната трговија, особено во трговијата со фалсификувана стока. Ова претставува ризик за јавната безбедност, го нарушува легитимното работење и влијае на економската стабилност“, се вели во извештајот, кој ја анализира глобалната трговија со фалсификувана и пиратска стока, користејќи ги најновите достапни податоци за царински заплени (2021 година).

Наодите, како што е наведено, се загрижувачки.