Сведок на обвинителството во случај против Нетанјаху, и неговата сопруга загинаа во несреќата кај грчкиот остров Самос

Бенјамин Нетанјаху / Фото: EPA-EFE/MIRIAM ALSTER / POOL

Израелски медиуми објавија денеска дека двете лица кои загинаа во авионската несреќа во близина на грчкиот остров Самос, се Хаим Гарон и неговата сопруга Ести. Според „Тајмс оф Израел”, Хаим Гарон беше заменик шеф на израелското Министерство за комуникации и сведок во случајот за корупција против поранешниот премиер Бенјамин Нетанјаху.

На Нетанјаху му се суди во три случаи за корупција познати како Случај 1000, Случај 2000 и Случај 4000. Во случај 4000, кој е најсериозен од трите, Нетанјаху се сомничи дека ги злоупотребил своите овластувања додека бил премиер и министер за комуникации од 2014 до 2017 година

Во мај 2020 година, Гарон, адвокат по образование, зборуваше за Радио 103ФМ околу сведочењето што го даде на судењето против Нетанјаху и рече дека тоа е поврзано со развојот на оптичката инфраструктура, комуникациската индустрија и телефонските услуги во земјата. На прашањето дали некогаш бил сведок на каква било криминална активност во Министерството, Гарон одговори дека „судот е единствениот што може да утврди дали нешто е криминално или не”.

Агенцијата за цивилно воздухопловство на Грција соопшти дека приватниот авион „Цесна Ц182″ со двајца патници полетал вчера од израелскиот град Хаифа, а според доставениот план за летање требало кусо по 20 часот да слета на аеродромот на Самос, но непосредно пред слетувањето се загубила комуникацијата со контролата на летање и веднаш бил информиран Центарот за истрага и спасување.

Надлежните органи започнале спасувачка акција во морскиот дел јужно од аеродромот на островот за пронаоѓање на авионот и патниците, а крајбрежната служба ги пронашла и извлекла двете безживотни тела.

Извор: МИА

Загинаа двајцата патници во приватниот авион што синоќа се урна во близина на грчкиот остров Самос

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот