Пиштолот „Walther PP“, кој Шон Конери го користеше во првиот филм за Џејмс Бонд е продаден на аукција во Беверли Хилс за 256 илјади долари, надминувајќи ги очекувањата, соопшти аукциската куќа „Julien’s Auctions”.

Полуавтоматскиот пиштол Шон Конери го користеше во филмот „Dr. No“ од 1962-та година.

Аукциската куќа „Julien’s Auctions” соопшти дека купувачот, кој сакал да остане анонимен, е Американец и дека заедно со своите деца ги изгледал сите филмови за Џејмс Бонд.

Со постигнатата цена од 256 илјади долари пиштолот е продаден за повеќе од очекуваните 200 илјади долари.

Шкотскиот актерски великан Шон Конери, првиот Џејмс Бонд, почина на 31 октомври во својата куќа на Бахамите на 91 година.

На истата аукција за 108 илјади долари се продадени и кацигата на Том Круз кога ја носеше во „Top Gun“, и самурајскиот меч на Брус Вилис од „Pulp Fiction“, кој достигна цена од 35.200 долари.