Турскиот суд ослободи 87 лица обвинети за учество во протестите во Истанбул, кои избувнаа по истрагите против градоначалникот Екрем Имамоглу и општински функционери, јавуваат турските медиуми.

Судот оцени дека „нема цврста основа дека обвинетите го сториле наводното кривично дело“.

И покрај ослободувањето на демонстрантите, Имамоглу останува во притвор поради обвиненија за корупција, со можна затворска казна од над 2.300 години. Апсењето предизвика масовни протести, при што илјадници граѓани излегоа на улиците, а стотици беа приведени.

Во одделен случај, ослободени се и 12 лица, меѓу кои осум новинари и четири адвокати, обвинети за прекршување на прописите за јавни собири.