Поранешниот УЕФА и ФИФА судија Дејвид Кут, кој важеше за едно од звучните имиња на европската арбитража, денес е далеку од фудбалските терени. По серија скандали кои ја нарушија неговата кариера, Кут сега работи како доставувач на пратки во Велика Британија.

Британските медиуми пренесуваат дека еден брачен пар бил изненаден кога пред нивната врата се појавил токму поранешниот судија кој своевремено делеше правда на Европското првенство и во Премиер лигата. Неговото ново работно место дојде откако минатиот ноември доби отказ по контроверзии кои силно одекнаа во јавноста.

Потсетуваме, Кут беше снимен како го навредува тогашниот менаџер на Ливерпул, Јирген Клоп, а ден по еден натпревар на Европското првенство, каде што беше ангажиран како ВАР-судија се појави и видео на кое се гледа како консумира бел прав. Овие инциденти беа кобни за неговата кариера и доведоа до трајно заминување од фудбалот.

Oh no, David Coote caught doing cocaine, he’s really is finished as a referee!

The video is apparently from the 2024 Euros where he was officiating 😳pic.twitter.com/OEnrTMtSu1

— Football Hub (@FootbalIhub) November 13, 2024

Во изјава за британските медиуми, Кут признава дека новата работа не му е животна определба, туку начин да остане активен:

David coote ladies and gentlemen pic.twitter.com/WDHc36a7Mn

— Josh (@Josh97LFC) November 11, 2024

„Сакам да продолжам понатаму со животот. Се обидувам повторно да најдам чувство на одговорност и смисла. Работата ме држи ангажиран, но ова не е моја долгорочна кариера,“ изјави тој.

Иронијата е уште поголема ако се земе предвид дека човекот кој го препознал Кут и го снимил како доставува пратка, бил навивач на Ливерпул. Не пропуштил да му замери за навредите упатени кон Клоп, дополнително потсетувајќи го на времето кога Кут беше дел од елитата.

Англискиот фудбалски судија Дејвид Кут суспендиран на 16 месеци