Струга преку своите официјални профили на социјалните мрежи денеска го потврди доведувањето на Адриан Зенделовски, младинскиот македонски репрезентативец, за кого ова ќе биде прв настап во Првата македонска фудбалска лига.

Зенделовски ги направи првите фудбалски чекори во Шведска, каде настапуваше во младинските категории на Малме, по што ја продолжи кариерата во Сковде и Олимпик, клуб од кој пристигнува во редовите на стружани.

Станува збор за фудбалеер кој настапува на позицијата дефанзивен играч за врска и во изминатиот период беше стандарден член на репрезентацијата на Македонија до 21 година, со која настапуваше во квалификациите за Европското првенство.

Претходно, Зенделовски беше дел и од националните селекции до 17, 18 и 19 години, што дополнително го потврдува неговиот потенцијал и континуитет во репрезентативните категории.