Користењето на услуги за стриминг преку интернет во 2020 година го надминаа рекордното ниво од 1,1 милијарда лица, што претставува раст од 26 отсто во споредба со претходната година, според информациите на Motion Picture Association.

Пандемијата на ковид-19 донесе бројни предизвици за економиите ширум светот, но филмската, телевизиската и стриминг индустријата „ја држеа публиката поврзана и забавувана, изјави Чарлс Ривкин, претседател и извршен директор на Motion Picture Association во соопштението за јавноста.

Меѓународниот пазар на мобилни стриминг услуги оствари глобален приход од 68,8 милијарди долари или за 23 отсто повеќе во однос на 2019 година. Најголем удел во тоа имаат САД со 30 милијарди долари.

Зголемената побарувачка за услуги за стриминг преку интернет помогна да се неутрализираат финансиските удари што ги претрпеа кино благајните поради пандемијата на коронавирусот, јавија американски медиуми.