Тренер на подмладокот на Јагодина, Стефан Павловиќ доживеа тешки повреди и се наоѓа во животна опасност откако вечерва околу 19. часот беше погоден од удар на гром на помошниот терен на фудбалскиот клуб.

На тренерот веднаш му е укажана помош, и е пренесен во општата болница во Јагодина каде според зборовите на директорот, докторите се борат за животот на несреќниот тренер.

Во моментот на ударот на гром, тој одржувал тренинг со 20-тина деца од младинските категории и за среќа ниту едно од нив не е повредено.

– По громот, започна хистеријата, децата избегаа кај своите родители, а двајца здравствени работници му укажаа прва помош на тренерот, кој лежеше неподвижен на теренот. Мислам дека успеаја да го вратат тренерот од бесознание, а потоа дојде и брзата помош која го однесе во болница – изјавија родители на децата за спрските медиуми.