Татко и неговиот 44-годишен син М.Л. биле убиени во семејната куќа во селото Завидинце во близина на Лесковац денес околу 16 часот. Полицијата ги пронашла нивните тела, како и двајца ранети, мајката С.Л. и братот на убиениот син М.Л.

Несреќната жена е ранетa во главата и таа го пријавила случајот во полиција, објави „Блиц“.

При повикот до полицијата, таа навела дека смртоносните повреди ги нанел извесен С.М. Полицијата го затекла осомничениот С.М. и тој веднаш бил приведен.

Авион се урна кај Суботица – копилотот загина, пилотот е во болница

Сè уште не е познато кој е вистинскиот сторител, но полицијата сомничи неколкумина и врши проверки.

Жителите на Завидинци велат дека не знаат што точно се случило бидејќи злосторството се одвивало на периферијата на селото.

„Тоа се фини луѓе, татко, мајка и двајца синови. Едниот од нив имаше сериозни здравствени проблеми поради кои никогаш не излегуваше од куќата. Последен пат го видов пред околу 15 години. Слушаме дека некој од нивното семејство е убиен, но сè уште не знаеме точно што се случило. Во селото кружат разни верзии: според една, напаѓач е синот, а според друга, во нив пукал сосед. Во секој случај, многу сме уплашени зашто не знаеме дали напаѓачот е на слобода. Ја повикав полицијата, никој не ми се јави, а сакав да дознаам дали сме безбедни и што се случува. Пријатели и роднини постојано нè бараат затоа што се загрижени, а ние не знаеме што да кажеме бидејќи ни самите не знаеме што точно се случило,“ наведе жителка на Завидинци за локалните медиуми.

Полицаец загина во тешка сообраќајна несреќа во Нови Сад