Стоилковски: На ТОАРИЛУЦ нема лифтови, се оперира на сопствен ризик
![](https://www.slobodenpecat.mk/wp-content/uploads/2024/04/Naum-Stoilkovski-01.04.2024-e1711968603415.jpg)
Тој објаснува дека за делот КАРИЛ од 15-ти март има тендер од 2 милиони евра за санација, а не се создадени услови за да се почне со санацијата
Незапаметен хаос владее на Клиниката за хирургија, односно Универзитетската клиника ТОАРИЛУЦ, а ДУИ и СДС системски го уништуваат здравството до последен ден, обвинува ВМРО-ДПМНЕ.
– Цела недела 4 лифта не работат, ниту двата мали кај влезот, ниту двата кај трауматологија, па пациенти со скршеници, но и оние што одат на контрола или во посета, или треба да одат по скали или да се туркаат со оние лифтови кон операционите сали! –изјави Наум Стоилковски, портпарол на ВМРО-ДПМНЕ.
Тој вели дека цела недела, од минатата сабота трае проблемот со системот односно цевководот за кислород до операциски сали, цела недела нема испитување што е, што мириса, дали е загадено, дали навистина има јаглерод диоксид.
– Во меѓувреме, со потпис со лична согласност, луѓе се оперираат на сопствен ризик!? Докази за тоа има во самата Клиника, неколку операции се извршени, дури и една врз дете. А, ако е се во ред, зошто тогаш нема план за операции за од понеделник? – прашуваат од ВМРО-ДПМНЕ.
Тој објаснува дека за делот КАРИЛ од 15-ти март има тендер од 2 милиони евра за санација, а не се создадени услови за да се почне со санацијата.
– Фирмата моли, со писма, ова е едно од тие писма испратено до министерството за здравство, да им се овозможи услови да почнат да работат! Писмото е од 14-ти мај и се уште нема ништо! Санацијата инаку би траела 3 месеци, а веќе трет месец не може да се почне да се работи на самата Клиника – вели Стоилковски.