Стигна првата реакција на Русија на одлуката на ЕУ да го забрани увозот на руска нафта
Откако синоќа претседателот на Европскиот совет, Шарл Мишел соопшти дека е постигнат договор за забрана за увоз на руска нафта во ЕУ, стигна и првата реакција од Русија.
Постојаниот претставник на Русија во меѓународните организации во Виена, Михаил Улјанов, се огласи на Твитер по соопштението на претседателката на Европската комисија, Урсула фон дер Лајен.
– Како што таа вчера со право рече, Русија ќе најде други увозници. Важно е да се напомене дека таа сега противречи на нејзината вчерашна изјава. Многу брзата промена на начинот на размислување укажува дека ЕУ не е во добра состојба – напиша Улјанов на Твитер, пренесува Гардијан.
As she rightly said yesterday, #Russia will find other importers. Noteworthy that now she contradicts her own yesterday’s statement. Very quick change of the mindset indicates that the #EU is not in a good shape. https://t.co/MEtjlphv2U
— Mikhail Ulyanov (@Amb_Ulyanov) May 30, 2022
ЕУ челниците така постигнаа договор за забрана на 90 отсто од увозот на нафта на Русијадо крајот на 2022 година.
Лидерите, исто така, се согласија да ја исклучат најголемата руска банка, Сбербанк, од системот SWIFT и да забранат три други руски државни телевизии, како и да ги санкционираат одговорните за воените злосторства во Украина.
Орбан ја обвини Европската комисија за неуспехот со ембаргото врз руската нафта