Во пријателски натпревар како подготовка за пролетниот дел од сезоната, фудбалерите на српскиот клуб Раднички 1923 од Крагуевац со 3:2 го совладаа узбекистанскиот суперлигаш Насаф.

Стрелец на еден од головите за Раднички 1923 беше и македонскиот репрезентативец Лука Станковски.

Останатите два погодоци беа дело на Милош Ристиќ и Алфа Балде, а на спротивната страна во листата на стрелците се запишаа Захар Садулаев и Џаворбек Усмонов.

Според најавите, во текот на денешниот ден играчите на Раднички 1923 ги очекува уште еден тест против Висла Плоцк од Полска.

Претходно на подготовките во Анталија, Турција, српската екипа ја совлада унгарската Кишварда со 3:0, а со 1:0 загуби од јужнокорејскиот Гангвон.