Туристичките агенции во иднина ќе плаќаат дополнителен данок од 25 отсто поради продажба на аранжмани во далечни дестинации кои се на листата на офшор земји. Не станува збор за нови даночни правила, туку за Законот за данок на добивка, кој е наменет за сите парични трансакции кон земји со таканаречен повластен даночен систем.

Неколку домашни агенции, кои со години продаваат вакви аранжмани, без посредници, деновиве добија решенија со милионски даноци кои треба да ги плаќаат ретроактивно.

Сопственикот на една од нив за „Политика“ вели дека му се блокирани сметките и дека целиот имот не може да го покрие долгот што моментално го има за данокот кој, како што тврди, му бил пресметан без никаква основа.

– Станува збор за член 42 од оваа регулатива, кој се однесува на перење пари. Дали агенциите со тоа што организираат патување за физичко лице, наплатуваат за таа услуга и плаќаат данок на државата, прекршуваат некој закон? Не, тоа е нивната основна работа што веќе не може да се заврши. Прашањето дали некој е виновен за прекршок или сторил кривично дело е прашање на индивидуално утврдување на вина, што овде не беше направено. По неколку децении работа бев принуден да ја затворам агенцијата – вели Александар Сеничиќ, директор на Јута, вели дека во еден дел од Законот за данок на добивка е наведено како треба да се плати данокот доколку се работи во земји со таканаречен повластен систем. Ги има околу педесет и тоа се офшор зоните, меѓу другите Малдиви и Хонг Конг. Проблемот е што кога една туристичка агенција организира патување на Малдиви, таа дејствува како посредник.