Српскиот пејач направил хаос во трговски центар, одбил да стави маска

Милан Станковиќ/Фото: Инстаграм

Српскиот пејач Милан Станковиќ минатата се најде во големи проблеми поради своите антиваксерски ставови, поради кои бил на работ на физички конфликт со обезбедувањето на еден трговски центар во Белград, но и со менаџерот на популарен ресторан.

 

View this post on Instagram

 

A post shared by MILAN STANKOVIC (@milanstankovic)

Како што дознава српски „Курир“ од извори кои се нашле во близина на Станковиќ, тој направил сцена во трговскиот центар „Ушче“, во една продавница, бидејќи не сакал да носи заштитна маска, која е задолжителна во сите затворени објекти. Додека ги разгледувал работите, пејачот, кој на почетокот никој не го препознал поради долгата коса и променетиот физички изглед, му пришол еден од припадниците обезбедувањето и љубезно го замолил да стави маска или да ја напушти продавницата.

На тоа веднаш бурно реагирал, почнувајќи да се расправа и одбивајќи да стави заштита на лицето, викајќи дека не сака „да го прифати злото што ни го наметнале разни светски сили и слуги на антихристот“. Откако одбил да ја стави маската, обезбедувањето го испратило надвор од продавницата.

Сепак, дека ова не е прв инцидент на Станковиќ од ваков тип, сведочел уште извор кој престојувал со пејачот во ресторан во Белград. Престој во ресторани после 20 часот е дозволен исклучиво за лица со ковид-сертификат, а Милан тоа не го поседува. Меѓутоа, тој одбил да ја напушти вечерата, тврдејќи дека никој нема право да му бара пропусница.

– Викаше дека тој нема да извади никакви пропусници ниту да ги покаже. Неколкупати повтори дека на сите им е испран мозокот и дека, ако треба, нема ниту да јаде, но дека не се согласува на уцени – изјавил изворот за српски „Курир“.

 

View this post on Instagram

 

A post shared by MILAN STANKOVIC (@milanstankovic)

Милан Станковиќ веќе со месеци води кампања на социјалните мрежи против вакцинацијата и пандемијата на коронавирус, тврдејќи дека целата приказна е теорија на заговор и дека вирусот не постои, поради што јавноста повеќепати го осуди.

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот