Помеѓу останатите натпревари утре во Лигата на шампионите ќе се сретнат екипите на Црвена Звезда и Барселона и таа средба ќе се одигра на стадионот „Рајко Митиќ“ во Белград.

Пред овој натпревар изјава која привлече внимание даде српскиот фудбалер Андрија Максимовиќ кој како што вели утре е спремен да докаже дека е подобар од тинејџерската ѕвезда на Барселона, Ламин Јамал кој воедно е и најдобрите фудбалери во светот во овој момент.

„Се сретнавме на Европското првенство. Одличен фудбалер, тука е и Кубрси. Тие се моја генерација, утре ќе излезам и ќе покажам дека сум подобар од него (Јамал)“, изјави Максимовиќ.

Сезонава Максимовиќ ги игра првите натпревари во европската елита и за него тие се од голема важност.

„Против Интер ми беше деби и тука видов дека можам да играм големи натпревари. Против Монако не изгледаше натпреварот онака како што замисливме, но утре ќе биде мојот најсилен противник…Се чувствуваме подготвени, пред нашата публика се е можно“, порача Максимовиќ.