Србинките сакаат да се дотеруваат: За шест месеци отворени повеќе од 400 фризерски и козметички салони
Повеќе од 400 фризерски и козметички салони се отворени во Србија за шест месеци од оваа година, објави веб-страницата Инфостуд, пренесува Бета.
Според податоците на Агенцијата за деловни регистри, трендот на раст на бројот на овие салони е забележлив во претходните три години, а од крајот на 2021 до 2022 година се регистрирани 500 салони. Отворањето фризерски салони по програмирањето е најпопуларна занимање кај претприемачите помлади од 35 години, а моментално 13.948 од нив се регистрирани во Србија.
Покрај толку регистрирани салони, според Инфостуд, проценките се дека на пазарот има барем уште толку други кои работат во сивата зона. Нерегистрираните салони се причина за големите разлики во цените на услугите, па цените на се попопуларните услуги за гел-лак се движат од 1.000 до повеќе од 5.000 динари.
Има и курсеви за оваа техника, а нивните цени се од 50 до 700 евра. Како што пишува „Инфостуд“, нето заработката во овој дел од услужната индустрија е околу 60.000 динари, но од козметичката индустрија велат дека многу зависат од салонот во кој работите, како и од бројот на клиенти, бидејќи доста од нив работат на процентуална основа.