Србија ја совлада Словенија на гости и со една нога е на СП

Српските ракометари по четири години пауза се враќа на светските првенства/ фото: EPA-EFE/Tibor Illyes

Ракометната репрезентација на Србија оствари голема победа од 31:34 на гости против Словенија и направи голем исчекор кон обезбедување на пласман на Светското првенство што ќе се игра идната година.

Србите во најголем дел од натпреварот беа во водство, во првиот дел предноста беше 1-2 гола се до последните три минути кога со серија 0:4 дојдоа до  16:20, резултат со кој се замина од одмор. Во второто полувреме предноста се зголеми и на плус седум (19:26), но Србите за разлика од Македонија, успеаја да ја зачуваат предноста и на крајот да слават со 31:34.

Петар Ѓорѓиќ со осум гола беше најпрецизен во редовите на Србија, додека Лазар Кукиќ даде шест гола. Кај Словенците најрасположени за игра беа Деан Бомбач со осум и Мачковшек и Јанц кои дадоа по седум гола.

Селекциите на Исланд и на Хрватска ја оправдаа фаворитската улога и славеа на гости против Астрија (30:34) односно Финска (21:34), како и Германија која на домашенн терен со 34:26 ги совлада Ф. Острови. Грција беше подобра од Црна Гора со 25:23.

Резлтати:
Австрија – Исланд 30:34
Финска – Хрватска 21:34
Израел – Унгарија 32:33
Грција – Црна Гора 25:23
Германија – Ф. Острови 34:26
Словенија – Србија 31:34
Чешка – МАКЕДОНИЈА 24:24

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот