Непримерни сцени ни доаѓаат од Австрија, поточно од втората кошаркарска лига на таа земја.

Наместо да им биде пример на помладите и биде вистински педагог во намерата како да се помириме со поразот, италијанскиот стратег Флавио Приула одлучи да го направи најнепосакуваното.

После завршувањето на натпреварот 24-годишниот Марко Солдо почна да слави со кренати раце, па случајно налета на Приула кој наместо да му честита на ривалот, ги шокираше присутните удирајќи го со нога.

Кошаркарот падна на паркетот, се пожали на повреда, а останатите веднаш реагираа смирувајќи ја ситуацијата.

Екипата на Солдо, Матерсбург Рокс славеше на гостувањето кај Рајфејсен Фурстенфелд Пантерс со резултат 91:88.

Првите луѓе на лигата донесоа одлука Приула да биде суспендиран на три месеци и воедно да плати парична казна од 2500 евра.