Универзитетски професор Александар Спасеновски е еден од оние личности за кои се шпекулира дека се во најтесниот круг за избор на кандидат за претседател на државата од редовите на ВМРО-ДПМНЕ. Во вечерашното гостување во емисијата „Клик плус“ на ТВ21 Спасеновски ниту ја потврди ниту пак ја негираше оваа информација.

– Мислам дека е рано за каков било одговор. И тогаш има голем број на непознати со изборот, со карактерот, дали ќе се разделат и со ставот дека маглата не се расчистила, рано е да се даде одговор. Дали би прифатиле? Во оваа фаза не би можел да дадам изјава – вели Спасеновски.

Остануваат уште неколку месеци до распишување на изборите за претседател на државата, а партиите сè уште јавно не излегоа со свои кандидати кои се ќе учествува во трката. Дали и какви филтри е потребно да се поминат за да се најдат луѓе со личен и професионален интегритет и кредибилитет, денеска одговори од експертската јавност бараше и „Слободен печат“.