СП во ракомет: Хрватска загуби од Јапонија и во втората фаза оди без бодови

Ракометарките на Хрватска загубија од Јапонија/ фото: EPA-EFE/Domenech Castello

Вечерва заврши првата фаза на Светското првенство за ракометарки во групите Е,Ф,Г и Х, и селекцијата на Хрватска и покрај поразот од Јапонија со 28:26, обезбеди пласман во втората рунда.

Во втората – главна рунда на СП кое се игра во Шпанија се формирани две групу. Во првата се наоѓаат Германија и Данска кои носат четири бода, Унгарија и Јужна Кореја со два бода, а Чешка и Конго немаат бодови.

Во втората група се: Шпанија и Бразил со по четири бода, Јапонија и Аргентина со по два бода, Хрватска и Австрија не носат бодови.

Ракометарките на Хрватска по поразот од Бразил го совладаа Камерун и вечерва во директен дуел со Јапонија одлучуваа кој ќе носи два бода во втората – главна рунда на СП. Првото полувреме заврши нерешено 14:14, а во вториот дел Хрватска дојде до предност од 20:23, но потоа застана. Кризата на Хрватките ја искористија Јапонките да направат пресврт и да дојдат до триумф од 28:26.

Најдобри кај Јапонија беа Кахо Накајама со девет гола и Јуми Каихара со четир гола. На спротивната страна најефикасни беа Лариса Кааус со шест, Ана Турк со пет, Катарина Језиќ и Ана Дебелиќ со четири гола.
Останатите учесници на втората-главна рунда на СП ќе бидат познати по одигрување на утрешните наптревари.

Резултати:
Група Е
Чешка – Словачка 24:23
Германија – Унгарија 25:24
Табела: Германија 6, Унгарија 4, Чешка 2, Словачка 0.

Група Ф
Тунис – Конго 24:33
Данска – Јужна Кореја 35:23
Табела: Данска 6, Јужна Кореја 4, Конго 2, Тунис 0.

Група Г
Бразил – Парагвај 33:19
Хрватска – Јапонија 26:28
Табела: Бразил 6, Јапонија 4, Хрватска 2, Парагвај 0.

Група Х
Аргентина – Кина 36:24
Шпанија – Австрија 31:19
Табела: Шпанија 6, Аргентина 4, Австрија 2, Кина 0.

Видео на денот