Швеѓанец е осуден на 18 месеци казна затвор, за убиство на својата тешко болна сопруга, на која и дал смртоносна доза морфиум.

Судот во Аргенманленд, околу 450 километри северно од Стокхолм, го земал како олеснителна околност фактот што жената сама сакала да умре.

Нејзиниот сопруг, 63, од селото Нордингр, не ја коментирал пресудата, но планира да ангажира адвокат.

Судијката Лена Валгрен на судењето истакнала дека убиството со предумисла е кривично дело, дури и кога жртвата сама се согласила на тоа, за разлика од подпомогнато самоубиство.

Злосторството, што се случи во март, не може да се смета за потпомогнато самоубиство, затоа што сопругот дејствувал независно и активно, стои во одлуката на судот.

За убиство без предумисла во Шведска се казнува помеѓу шест и десет години казна затвор.