Иранскиот претседател Масуд Пезешкијан изјави дека Иран никогаш нема да се предаде, додека судирите со Израел продолжуваат со размена на напади, а иранската армија возвраќа со напади врз неколку земји од Персискиот Залив, објавија светските медиуми.

Пезешкијан реагираше откако американскиот претседател Доналд Трамп изјави дека неговата администрација нема да преговара со Техеран без, како што рече, „безусловно предавање“.

Во телевизиско обраќање на државната телевизија, Пезешкијан ги отфрли таквите барања.

„Тој ќе ги понесе соништата за нашето безусловно предавање во својот гроб“, рече тој.

Откако врховниот лидер Али Хамнеи беше убиен пред една недела, власта во Иран привремено ја презеде тричлено раководство кое ќе управува со земјата додека не се избере неговиот наследник.

Во тој совет се претседателот Пезешкијан, кој се смета за поумерен политичар, потоа претседателот на судството и тврдокорен конзервативец Голамхосеин Мохсени Еџеи и високиот свештеник Алиреза Арафи.

Пежешкијан, исто така, рече дека привременото раководство на Иран вчера одлучило дека соседните земји повеќе нема да бидат цели на напади, освен ако нападите врз Иран не се извршат од нивна територија.

Како што објавија иранските медиуми, претседателот им се извини на соседните земји за нападите што се случија во последните денови.

Трамп пресече: Нема договор со Иран, освен безусловно предавање