Сончево и топло за велигденските и првомајските празници

Фото: Профимедиа

Максималната температура наместа ќе достигне и до 30 степени.

Сончево и топло време ќе преовладува за време на претстојните велигденски и првомајски празници. Максималната температура наместа ќе достигне и до 30 степени.

Синоптичарите за денеска најавуваат сончево време со мала до умерена облачност и слаб до умерен ветер од јужен правец.

Попладне, претежно на истокот ќе има услови за појава на краткотрајна изолирана нестабилност. Минималната температура ќе биде во интервал од 6 до 12, а максималната ќе достигне од 24 до 29 степени.

Во Скопје слично време со минимална температура до 8 степени и максимална температура до 29 степени.

Топлото време ќе се задржи до понеделник. Во сабота од крајот на денот и преку ноќта кон недела во западните делови ќе има услови за појава на локален дожд.

Видео на денот