Собраниска комисија за здравство: Се расчистува патот за одобрение за ставање во промет на вакцините против ковид-19

Собрание на РСМ/Фото: МИА

Собраниската Комисија за здравство на попладневната седница го поддржа Предлог законот за изменување и дополнување на Законот за лекови и медицински средства поднесен од пратениците Ненад Коциќ, Кастриот Реџепи, Арбер Адеми, Бети Рабаџиевска Наумовска, Белкиса Зеќири, Емилија Рамбабова.

Со предложените решенија ќе се овозможи создавање на законски претпоставки за издавање на одобрение за ставање во промет на вакцините против ковид-19 кога подносителот на барањето нема седиште на територијата на Република Северна Македонија, како и за издавање на условно одобрение за ставање во промет во случај кога барателот кон барањето не ја доставил целокупната документација, согласно членот 20 од Законот за лекови и медицински средства.

Предлагачите во образложението наведуваат дека од моментната ситуација на светско ниво предизвикана од коронавирусот, потребна е итна заштита на населението со ефективни вакцини против ковид-19 со кои ќе се намалат штетите што ги предизвика вирусот и ќе се заштитат економиите на глобалано ниво. Според нив, заради намалување на штетите од коронавирусот, владите низ целиот свет го финансираат развојот на вакцини и склучуваат билатерални договори со
производители на вакцини.

Наведуваат дека заради сигурност и заштита на македонските граѓани, Владата на Република Северна Македонија е должна во најкус можен рок да им обезбеди вакцини на граѓаните против ковид-19.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот