Пратениците на Собранието на Косово денеска ќе ја продолжат пленарната седница, а на дневен ред се 24 точки, пренесува Коха. Седницата ќе започне со пратенички прашања, а потоа пратениците треба да ги разгледаат предлог-законите, меѓу кои и Законот за јавна сопственост и Специјалното обвинителство.

Исто така, на дневен ред на седницата е и Предлог-законот за репродуктивно здравје и медицински потпомогнато оплодување, како и ратификација на Договорот за заем и проект помеѓу Косово и КОСТТ (Оператор на системот, пренос и пазар ДООЕЛ) и Франкфурт на Мајна ( КФЕ) за „Развој на енергетскиот сектор VII – подобрување на преносната мрежа“.

Пратениците ќе го разгледаат и Предлог-законот за ратификација на Договорот за заем меѓу Косово и Европската банка за обнова и развој за проектот „Сончевото греење на Приштина“, како и Предлог-законот за ратификација на Договорот за кофинансирање, на стипендии за високо образование на магистерско ниво помеѓу Министерството за образование, наука, технологија и иновации и Амбасадата на Франција во Приштина.

На дневен ред на седницата е начелното гласање за предлог-законот за училишни учебници, потоа изборот на собранискиот комесар за косовските безбедносни сили, второто разгледување на предлог-законот за јавен имот, како и за Специјалното обвинителство.