Општина Гази Баба во координација со МВР И ЈП „Градски паркинг“ денеска спроведе акција за подигнување на непрописно паркирани возила на тротоарите и улиците околу пазарот во населбата Ченто.

„Општина Гази Баба во координација со МВР и Градски паркинг спроведе акција за подигање на возила кои беа непрописно паркирани на јавни површини, тротоари и коловози во околината на Пазарот Ченто. Јасно порачуваме дека нема да има толеранција за узурпација на јавниот простор и непрописно паркирање. Јавните површини мора да останат проодни и достапни за сите граѓани“, изјави градоначалникот Бобан Стефковски.

Слична акција имаше и пред десетина дена, кога надлежните подигнуваа возила во близина на пазарот за стари работи во Хиподром, а Стефковски најави дека ваквите контроли и акции ќе продолжат и во наредниот период и на други локации низ општината.