Снежана Василевска ни препорачува: Израдувајте ги најблиските со брз, лесен и превкусен „Garlic bread“ (Леб со лук)
Кој може да одолее на топол и крцкав леб, а особено кога е збогатен со лукче? Прочитајте како да направите совршен прилог за оброците, за кој ветуваме дека ќе го обожаваат најблиските.
СОСТОЈКИ
- *1 леб
- 5 чешниња лук
- маслиново масло
- сол
- сув босилек
*најдобро е лебот да е постар, јас искористив „рустика” од 500 гр.
ПОДГОТОВКА
Лукот, посолен, се толчи и кога е убаво источен постепено му се додава маслиново масло, околу 50 мл.
Се добива креместа смеса слична на мајонез. Се зачинува со сув босилек или друг зачин по желба – буковец и слично.
Лебот се сече на коцки со остар нож до околу 3/4 од висината. Се премачкува во засеците со смесата од лук.
Одозгора се попрскува со малку вода и уште малку масло, што ќе резултира со поголем „сјај“ и крцкавост на лебот.
Се пече на висока температура, околу 10 мин.
Се јаде додека е топло – тешко дека ќе остане за подоцна!
На здравје!
За повеќе вакви рецепти, заследете ја ОВАА ФЕЈСБУК ГРУПА и ОВОЈ ИНСТАГРАМ ПРОФИЛ.