Голема неизвесност владееше меѓу навивачите на Ливерпул околу тоа дали изостанокот на Мохамед Салах за минатонеделниот дуел со Интер во Лигата на шампионите е само вовед во целосно влошување на односите со менаџерот Арне Слот. Но, изгледа разумот победил – Холанѓанецот го врати Салах во тимот за премиерлигашкиот натпревар против Брајтон.

Актуелниот шампион на Англија утре од 16 часот го пречекува тимот од југот на земјата, а најдобриот фудбалер на Ливерпул во последната деценија повторно ќе конкурира за составот. Тоа е значаен чекор кон „одмрзнување“ на односите со тренерот.

Сепак, засега не е јасно дали Салах ќе добие значителна минутажа или ќе остане само опција од клупата, но сигурно е дека на сите страни им одговара овој конфликт да биде надминат.

Да потсетиме, по ремито со Лидс минатата сабота, Салах јавно проговори за она што го мачи, а токму тоа го натера Слот да го изостави од патот за Милано.

Останува да видиме што ќе се случи утре.