Арон Рeмзи стави крај на својата професионална кариера, оставајќи зад себе голема фудбалска приказна. Еден од најпознатите фудбалери во историјата на Велс и човек кој остави длабока трага во Арсенал, Ремзи, се повлекува како член на мексиканскиот клуб Пумас.

35-годишниот играч ја завршува кариерата со настапи на Европското првенство 2016, кога Велс стигна до полуфиналето и тој беше дел од идеалниот тим на турнирот, како и со настапи на Европското првенство 2020 и Светското првенство 2022.

Кариерата ја започна во Кардиф по што од 2008 до 2019 година го носеше дресот на Арсенал. Подоцна настапуваше за Јувентус, кратко за Ренџерс и за Ница, а во 2023 се врати во Кардиф, пред во 2025 година да ја продолжи кариерата во Мексико, каде што го одигра својот последен професионален ангажман.

Фудбалот ќе го памети и по едно необично „проклетство“, во еден период, секој негов гол се поклопуваше со заминување од светот на некоја славна личност.