„Скротувач на стомакот“: Рецепт за пијалак за пролетно чистење на телото
По обилната велигденска трпеза, на нашиот организам му треба „чистење“, има потреба од нешто полесно, освежително, а во исто време и закрепнувачко. Одличен избор се смути, кои освен што се освежувачки, помагаат и за слабеење, добри се за кожата, ги намалуваат проблемите со надуеноста, ги снабдуваат клетките со хранливи материи и помагаат да го направиме нашиот стомак порамен.
Пијалаците што го чистат организмот од штетните материи се особено пожелни.
Во продолжение прочитајте го рецептот за еден таков пијалак. Се нарекува „скротувач на стомак“, а неговите состојки можеби веќе ги имате во вашиот дом. Главната состојка на пијалакот е ананасот, кој е полн со витамин Ц и делува како природен диуретик кој го ослободува телото од токсините.
За придобивките од лимонот веќе се зборува многу, но уште еднаш ќе повториме дека тоа е цитрусно овошје кое изобилува со минерали и витамини важни за здравјето.
И циметот и ѓумбирот се додатоци кои, меѓу другото, прават чуда за дигестивниот систем.
Состојки за „скротувачот на стомак“:
– 1 шолја ананас – свеж или конзервиран
– 1/2 исцеден лимон
– 1 лажичка мелен ѓумбир
– 1 лажичка цимет
– 2 шолји вода
Подготовка:
Исечканиот ананас заедно со другите состојки само ставете ги во блендер, добро измешајте и уживајте во освежителниот пијалак и во сите придобивки што ги носи.