Скриниар потпиша за ПСЖ: Доаѓам во еден од најдобрите клубови во светот
Како и што се очекуваше, денес стигна официјална потврда за трансферот на Милан Скриниар кој потпиша договор со Пари Сен Жермен.
Одличниот дефанзивец со клубот од Париз потпиша договор до јуни 2028 година, откако му заврши соработката со Интер. Долго време се поврзуваше со „светците“, а сега конечно се е завршено.
Самиот фудбалер призна дека е среќен што започнува една нова епизода.
„Пресреќен сум што ќе заиграм за клуб како ПСЖ, ова е еден од најдобрите клубови во светот. Тука има играчи од светска класа и неверојатни навивачи“, изјави Скриниар по потписот на договорот.
Кариерата ја започна во Жилина, а една година помина на позајмица во Злате Моравце. Сампдорија го откупи во 2016-та година за 5.2 милиони евра, а една година подоцна Интер за него плати 34 милиони евра.
🆕✍️
Paris Saint-Germain are delighted to announce that Milan Škriniar has signed a five-year deal with the club.
The Slovak defender’s contract runs until 30 June 2028.#WelcomeŠkriniar https://t.co/4tlU6H52Zk
— Paris Saint-Germain (@PSG_English) July 6, 2023