Скандалите не престануваат – судијата на Мис Универзум тврди: „Победата е лажна, сè беше договорено“
Новоизбраната Мис Универзум, Фатима Бош од Мексико, се најде во центарот на жесток скандал откако поранешниот член на жирито Омар Харфуш јавно ги обвини организаторите за местење на победата. Харфуш тврди дека однапред знаел дека таа ќе триумфира, наведувајќи ги деловните интереси како главна причина за одлуката.
Препорачано
View this post on Instagram
Само неколку дена пред финалето, Омар Харфуш, либанско-француски композитор, поднесе оставка од жирито и веднаш упати сериозни обвинувања. Според него, сопственикот на натпреварот, Раул Роча, заедно со неговиот син, се обиделе да влијаат врз гласањето.
– Нејзината победа е лажна. Денот пред финалето реков дека Мис Мексико ќе победи, бидејќи сопственикот на Мис Универзум, Раул Роча, има деловни односи со таткото на Фатима Бош. Раул и неговиот син ме убедуваа во Дубаи да гласам за Фатима Бош бидејќи им беше потребна нејзината победа, „тоа би било добро за нивниот бизнис“ – тврди Харфуш.
Харфуш наведува дека бил првиот од осумте членови на поротата што поднел оставка, објаснувајќи дека се одржало „тајно и нелегитимно гласање“.
– Два дена пред финалето, се одржа тајно гласање за избор на 30 кандидати од вкупно 136. До ден-денес, никој не знае кој се пласираше меѓу тие 30, освен едно лице кое ги има резултатите, кое е поврзано со националната организација на еден од учесниците – што претставува јасен конфликт на интереси – рече тој.
Тој додава дека не сакал да се појави пред камерите и јавно да легитимира одлука донесена без негово учество.
– Не можам да сносам одговорност за процес во кој не учествував. Преправањето дека е поинаку би било нечесно – рече Харфуш.
По жестоките обвинувања, се огласи и Организацијата за Мис Универзум (MUO), категорично отфрлајќи ги тврдењата на поранешната членка на жирито.
– Организацијата „Мис Универзум“ повторува дека сите процедури за оценување на 74-тото издание на натпреварот се официјални, транспарентни и спроведени во целосна согласност со протоколите на MUO. Програмата „Надвор од круната“ функционира независно и не е дел од процесот на оценување – се вели во соопштението.
Скандалот околу новокрунисаната Мис Универзум продолжува да ја тресе јавноста, додека се очекува двете страни да откријат дополнителни информации во наредните денови.
ФОТО+ВИДЕО | Фатима Бош e новата Мис Универзум: Убавицата триумфираше и покрај скандалот во Тајланд
