Скалони: Среќата беше на наша страна во одредени моменти
Фудбалската репрезентација на Аргентина се пласираше во полуфиналето на Светското првенство во 2026 година. Во продолженијата со играч повеќе успеа да ја елиминира Швајцарија со 3:1.
Препорачано
Лионел Скалони и неговите избраници сега ќе имаат уште потежок предизвик. Англичаните исто така во додатните 30 минути славеше во четвртфиналната фаза против Норвешка. Аргентинскиот селектор беше искрен по последниот свиреж на натпреварот во Канзас Сити:
– Треба да бидеме реални. Постојат многу аспекти од нашата игра кои треба да се подобрат. Понекогаш победата може да ги скрие тие детали, но знаеме дека постојат. Искрено, среќата беше на наша страна во одредени моменти – рече Скалони.
Системот на кратки додавања на Аргентина, со играчи групирани централно за да се максимизира влијанието на Меси, функционираше добро во групната фаза против Алжир, Австрија и Јордан. Против поконкурентни противници во нокаут рундите, тоа не изгледаше најдобро, а физичката состојба на клучните играчи е главната причина за тоа.
Енцо Фернандез, Родриго де Пол и Алексис МакАлистер носат голем физички товар, ситуација што се влошува поради дополнителниот товар на покривање на теренот кога Меси не е во посед на топката.
ВИДЕО | Аргентина со играч повеќе во продолженијата ја урна Швајцарија
Хулијан Алварез и Лаутаро Мартинез – двајцата стрелци на головите против Швајцарија – работат под своите технички перформанси. Тиаго Алмада целосно го изгуби своето место во стартниот состав, беше заменет од Леандро Паредес, кој покажува импресивни перформанси на овој Мундијал.
Откако веќе ги виде слабите перформанси на Енцо, МакАлистер и де Пол против Зеленортски Острови и Египет, Скалони ги додаде Валентин Барко, Џовани Ло Селсо и Ексекил Паласиос во своите резервни опции за средниот ред за нокаут фазата.
