Фудбалерот на Борусија Менхенгладбах, Маркус Турам, пред натпреварот против Интер во Лигата на шампионите имаше непријатност со редарите на стадионот „Џузепе Меаца“.

Турам вчера по доаѓањето на стадионот во Милано каде присуствуваше на прес конференцијата во пресрет на натпреварот со Интер, беше запрен од редарите кои не го препознале.

Тие барале од него да се идентификува, а синот на легендарниот француски фудбалер и играч на Јувентус, Лилијан Турам, морал преку Гугл да им докаже на редарите дека тој е фудбалер.

Сето тоа било проследено од германскиот тим кој на официјалниот Твитер профил објави на настанот, но подоцна го избриша постот.

Турам за да потврди дека е фудбалер на Борусија Менхенгладбах морал да ја симне заштитната маска од лицето и потоа редарот ја споредил сликата од Гугл со лицето на фудбалерот. Откако идентитетот на Маркус Турам бил потврден, тој добил дозвола да влезе на „Џузепе Меаца“ и да биде дел од прес конференцијата.

ВИДЕО: „Граѓаните“ со пресврт, Суарез уште еднаш немоќен пред Баерн!