Најстариот син на Дејвид и Викторија Бекам, Бруклин Бекам и неговата свршеница, актерката Никола Пелц неодамна ја одложија својата венчавка за 2022 година поради пандемијата на коронавирус. Тие мислеле дека е „премногу ризично“ да се презакаже планираната венчавка за следната година.

Сепак, таткото на актерката, Нелсон Пелц, наводно барал од идните младоженци да потпишат предбрачен договор, бидејќи тој не сакал неговото богатство, односно наследството на неговата ќерка, кое се проценува за 1.6 милијарди долари, да заврши во рацете на Бекамови доколку дојде до развод.

Богатството на Бекамови, пак, се проценува на околу 45 милиони долари.

Младата двојка ја прослави својата прва годишнина откако се заедно. Бруклин ги откри своите планови со Никола, изјавувајќи дека едвај чека да има деца со манекенката и да остари со неа.

Бруклин на својот Инстаграм профил сподели две интимни фотографии од него и Никола.

„Среќна 1 годишнина љубов. Јас сум најсреќниот човек затоа што те имам покрај мене. Едвај чекам да остарам со тебе и да создадеме семејство. Те сакам многу“, напиша Бекам.