Симеон Христов од Вардар направи трансфер во Гостивар
Второлигашкиот лидер Гостивар ја информираше јавноста дека нов играч на екипата е левото крило Симеон Христов.
Интересно, фудбалерот доаѓа од директниот конкурент Вардар во трката за позициите кои водат во Првата македонска лига.
Моментно на првото место во генералниот пласман во 2МФЛ е Гостивар со 37 бодови, еден повеќе од второпласираниот Вардар.
Во својата клупска кариера беше дел и од Работнички, Тиквеш, Влазнија, Борец, Македонија ЃП, Саутерн Мјанмар, Горно Лисиче, Тетекс, Брегалница Штип, Пелистер, Егри и Вашаш.
Воедно на репрезентативен план запиша осум настапи за македонската У21 репрезентација.