Унгарскиот министер за надворешни работи Петер Сијарто денес во Белград изјави дека Србија секогаш може да смета на Унгарија, и порача дека неговата земја ќе ѝ помогне Србија да има стабилно снабдување со енергија, објави „Н1“.

— Сѐ што е во наша моќ ќе направиме за да имате стабилно снабдување со енергија — изјави Сијарто по средбата со неговиот српски колега Марко Ѓуриќ.

Сијарто истакна дека има овластување денес, на состанокот со министерката за рударство и енергетика Дубравка Ѓедовиќ Хандановиќ, да ги договори техничките елементи на политичкиот договор на ниво на двете земји.

„Им ласка и на Русите и на Американците“: Тадиќ го обвини Вучиќ дека сѐ му е пред интересите на граѓаните на Србија

Тој оцени дека цената на руско-украинската војна ја плаќаат европските земји, кои, според него, немаат никаква одговорност, како што се Унгарија и Србија.

Сијарто ги критикуваше земјите членки на ЕУ кои, според него, повеќе сакаат во Унијата да ја примат Украина која војува, одошто Србија.

Ѓуриќ изјави дека политичката усогласеност меѓу Србија и Унгарија е на историски максимум и порача дека Србија, иако не е членка на ЕУ, го придодава својот глас за завршување на војната во Украина.

Вучиќ ѝ даде 50 дена на Русија да најде нов газда на НИС