Железничарите во Германија најавија 50-часовен штрајк откако не постигнаа договор за платите со Дојче Бан. Штрајкот започна во 22:00 часот во недела, на 14 мај, и ќе ја запре германската железничка мрежа. Германскиот транспортен синдикат ЕВГ претставува околу 230.000 работници во железницата и автобусите од 50 компании, вклучително и Дојче Бан. Локалниот транспорт, вклучително У-Бан и трамваите, ќе останат во функција. Шефот на кабинетот на Дојче Бан, Мартин Зајлер, штрајкот го нарече „луд, неоснован и целосно претеран“. ЕВГ бара повисоки плати за своите членови за да се борат против зголемената стапка на инфлација. Дојче бан не го исполни барањето на синдикатот за зголемување на платите за 12 отсто. Преговорите меѓу ЕВГ и Дојче Бан се очекува да се одржат на крајот на мај, пренесува Кликс.ба.