Постои многу едноставен трик со кој можете да проверите дали вашата маска за лице е доволно заштитна: обидете се да го изгаснете пламенот на свеќата додека ја носите. Квалитетната маска треба да го спречи тоа.

Овој трик, се разбира, не е стопроцентно докажан метод за тестирање на квалитетот на маските, ниту пак можете да гарантирате безбедна заштита, но сигурно може да помогне да се утврди која маска не е добра.

Откако Центрите за контрола и превенција на болести ширум светот почнаа да препорачуваат носење маски на сите граѓани, истражувачите постојано ги тестираат најдобрите материјали за нивно производство, со цел подобра заштитата од новиот коронавирус, пишува Бизнис Инсајдер.

Идеалната маска треба да го блокира ширењето на респираторните капки кои се шират со кашлање и кивање – тоа е основниот начин на пренесување на вирусот, но исто така треба да блокира помали честички, аеросоли, кои се шират кога луѓето зборуваат или издишуваат.

Маската исто така треба да се закачи околу носот и устата, бидејќи ако има дупка или отвор, капките може да „протечат“ и да заразат друго лице.

Под претпоставка дека маските се носат правилно, одредени материјали постојано покажуваат подобри резултати за време на студиите.

Погледнете ја листата на најдобри и најлоши маски, направени според резултатите од истражувањето:

Општо правило е дека ткаенината што се користи за изработка на маската треба да е што е можно поцврста, бидејќи подобро ќе ги филтрира честичките.

Исто така, пожелно е маската да има што повеќе слоеви, а Светската здравствена организација препорачува маските од ткаенина да имаат најмалку три: првиот, внатрешниот слој што апсорбира, средниот слој што филтрира и надворешниот слој изработен од неабсорбирачки материјал како што е полиестер.

Маските H95 се покажаа како најдобри на тестирањата, а како што кажува и нивното име тие имаа ефикасност од 95% во аеросолната филтрација. Тие најсилно ги затвораат носот и устата, така што многу малку вирусни честички влегуваат и излегуваат. Тие исто така содржат сложени влакна за филтрирање на патогени во воздухот.

Неодамнешна студија на Универзитетот Дјук откри дека помалку од 0,1 процент од капките се пренесувале преку маската N95 додека носителот зборувал.

Што се однесува до маските направени дома, истражувањето објавено во јуни во „Journal of Hospital Infection “ покажа дека најдобрата алтернатива на маски се оние направени од кеси за правосмукалка, по што следат маски направени од крпи, навлаки за перници, свила и 100 процентни памучни маици.