Што ќе прави Фенербахче со парите од Елмас? – Слободен печат
СпортФудбал

Што ќе прави Фенербахче со парите од Елмас?

Во наредните 24-48 часа очекуваме Елиф Елмас да пристигне на Апенините и официјално потпише договор со италијанскиот вицешампион, Наполи.

Тренерот на „наполитанците“, Карло Анчелоти потврди дека наскоро се очекува да пристигне нашиот играч Елмас на „Сан Паоло“ и веднаш им се приклучи на летните подготовки.

Фенербахче исто така ја информираше јавноста дека македонскиот „Дијамант“ не е повикан за предсезонската турнеја во Австрија каде што ќе се темпира формата за новата сезона.

Се очекува турскиот клуб од продажбата на својот досегашен фудбалер да добие 16 милиони евра плус бонуси.

Желби во Истанбул се искусниот српски дефанзивец Александар Коларов и германскиот играч од средниот ред, Сами Кедира.

Кедира (32) е поранешен играч на Реал Мадрид и Јувентус, а Коларов (33) досега беше дел од Рома, Манчестер сити, Лацио.

Турците воедно ја следат ситуацијата со хрватскиот напаѓач на Атлетико Мадрид, Никола Калиниќ.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close