Штедел за одмор од соништата, а заглави на празен аеродром на Филипини: Голготата на овој Естонец како од филмот „Терминал“

Истакна дека се чувствува како затвореник и дека ја замолил амбасадата за помош, но не можела да му организира повратен лет.

Туристот од Естонија, Роман Трофимов, вели дека поради пандемијата од коронавирус веќе 110 дена живее на празен аеродром на Филипини.

Година дена штедел за патување од соништата, меѓутоа, сега е заробен на аеродромот зошто Манила воведе посебни правила во текот на борбата со коронавирусот.

Патувал во југоисточна Азија кога почна воведувањето на карантин, и тврди дека му е одземен пасошот.

Во бизарната сага која потсетува на познатиот филм „Терминал“ со Том Хенкс, Естонецот за странските медиуми рече дека со месеци јаде и спие на аеродромот. Личната хигиена ја одржува во тоалетите, иако до сега веќе има долга брада и коса, а персоналот го снабдува со храна и грицки.

Тој сподели и фотографии од своите „оброци“, на кои се шишиња вода и чоколади. Речено му е дека мора да остане таму додека не се сменат правилата на карантинот.

Прочитајте и...  Во Албанија 545 новозаразени, 397 оздравени и 16 починати од ковид-19

Трофимов апелира да го спасат од аеродромот, на кој се наоѓа од 20. март, откако стигнал со летот од Бангкок.

Очајниот турист моли за помош и вели дека аеродромот изгледа како град на духови – персоналот ретко го гледа, а повеќето авиони се приземјени.

Како што вели, спие на металните столици и студениот под на аеродромот.

На крајот конзулатот на Естонија успеа да му помогне за биде префрлен во патничкиот салон на 1. април.

Истакна дека се чувствува како затвореник и дека ја замолил амбасадата за помош, но не можела да му организира повратен лет.

После многу перипетии, на Трофимов му било соопштено дека конечно ќе се врати во Талин на 8 јули.

Прочитајте и...  Врховниот суд на Франција одобри верски церемонии со повеќе од триесет верници

 

Поврзани вести

Курц: Со недели и месеци ќе живееме со ограничувања

Слободен печат

Наумовски: Оптимист сум дека ќе изнајдеме решение!

Слободен печат

Србија денеска со рекорден број жртви, Косово ја надмина бројката на илјада починати

МИА Агенција

Кафуле во Радовиш не ги почитувало протоколите, заработи кривична пријава

Слободен печат

ВМРО-ДПМНЕ обвинува за тајни средби во Софија на владини претставници

Лука Андреев

Спречен шверц на кафе од Албанија

Слободен печат

Остави Коментар

MacedonianAlbanian