Шпанија прими гол во судиското продолжение, на чуден начин се извади и ќе игра за медал
Олимписката фудбалска репрезентација на Шпанија е првиот полуфиналист на Игрите во Токио откако по продолженијата со 5:2 ја совлада селекцијата на Брегот на Слонова Коска.
По регуларните 90 минути, резултатот беше 2:2, по што „фуријата“ со три гола во продолжението ги реши дилемите околу победникот и патникот во полуфиналето.
Но, Шпанија беше на прагот на елимиинација бидејќи прими гол во првата минута од судиското продолжение, Градел погоди за 2:1. Шпанскиот селектор Луис де ла Фуенте, во игра го внесе Рафа Мир кој во првиот контакт со топката постигна гол за израмнување на 2:2. Претходно, во првото полувреме Ерик Баи го отвори резултатот во 10. минута, а Дани Олмо израмни во 30. минута.
Во продолжението, Ојарзабал во 98. минута донесе предност на Шпанија со голот од пенал, а во последните минути од средбата Рафа Мир постигна два гола со кои ја однесе својата репрезентација во полуфиналето.
Противник во полуфиналето ќе им биде подобриот од дуелот Јапонија – Нов Зеланд каде исто така се играат продолженија.